Ibitwerekeye
Turi abanyadushya, turi Abanyarwanda bavukiye guhindura ishusho y’ubworozi mugihugu cyacu. Igitekerezo cyo guhanga ububuryo bwa MOVAS (Merci Online Veterinary Appointment System) cyaje nyuma yuko uwahanze ububuryo yari asoje amashuri yisumbuye mu ishuri ry’imyuga n’ubumenyi ngiro mubijyanye n’ ubuvuzi bw’amatungo. Igihe yarageze hanze ku isoko ry’umurimo nk’umuvuzi w’amatungo, yabonye amatungo menshi apfa bitewe: kubura serivise zubuvuzi bwamatungo byihuse n’ubunyamwuga budahagije bwabamwe mubavuzi b’amatungo. Nanone, yabonye ko bigoye kumenya uko abavuzi b’amatungo babana n’abaturage, nanone yatekereje uburyo leta ishobora kumenya uko serivise z’ubuvuzi bw’amatungo zitangwa bidatwaye umwanya muremure. Nuko yatekeje uburyo ibyo bibazo byagabanuka bidasabye umuturage gukora ingendo ndende ashaka umuganga ahubwo yifashishije telefone yiwe akabasha kubona umuganga wabihuguriwe bityo ubworozi bugatera imbere. Nanone kandi, yashyizeho urubuga aho umuturage ashobora gutangira igitekerezo cyangwa ikibazo kuri serivise yahawe bityo umuganga ugaragaweho n’imico itari myiza akabasha gukurikiranwa. Sibyo gusa kandi yashatse uburyo ikwirakwira ry’indwara zandura hagati y’amatungo cyangwa abantu rishobora kugabanuka hashingiwe kumakuru y’itungo ryagaragaweho nibimenyetso, aho riherereye n’umuganga wafashije iryo tungo. Nanone kandi, yashatse uburyo umuturage ashobora gutanga ubutabazi bwibanze ku itungo mugihe ategereje umuganga, bityo gupfa kw’amatungo no gukwirakwira kwindwara bikagabanuka. IfotoINTEGO YACU
Intego yacu n’ukugabanya kubabara kw’amatungo, no kugabanya ikwira kwira ry’indwara hamwe no kunoza ubuvuzi bw’amatungo bityo tugateza imbere imibereho myiza y’amatungo mugihugu cyacu, binyuze kuri ubu buryo bwokubona serivise z’ubuvuzi bw’amatungo hifashishijwe ikoranabuhanga(murandasi).